आयुष्य म्हणजे-

   

आयुष्य म्हणजे- जणू एका अथांग जलाशयातील 

झिळमिळणाऱ्या सोनसळी तरंगाचे प्रक्षेप.

तर कधी वाहत्या झऱ्याचे सतत प्रवाहीपण.

आयुष्य म्हणजे-कधी अवर्णनिय आभाळाची अनंत निळाई.

तर कधी बेफाम वाऱ्याचा बेछूट बेदरकारपणा.

आयुष्य म्हणजे- कधी अफाट सागराची अभूतपूर्व सखोल 

व्यापकता.

तर कधी  सफेद बर्फाच्छादित हिमालयाची उत्तुंग शिखरे सर 

करणारे अमानवी धैर्य.

आयुष्य म्हणजे- सूर्यकिरणांनी पुलकित झालेल्या 

धरणीमातेचा उत्सव.

तर कधी शीतल चंद्राचे अजर  तेज ल्यालेल्या मातृभूमीचा 

अपार गौरव.

आयुष्य म्हणजे तरलता,सिद्धता,नि सौंदर्याची परिसीमा.

तर कधी सामर्थ्य,सहिष्णुता ,संस्कृती यांची सरमिसळ.

आयुष्य म्हणजे -कधी जीवनाच्या परिपूर्णतेचा अखंड स्त्रोत.

तर कधी मृत्यूलाही कवटाळणाऱ्या अभेद्य इच्छाशक्तीचे 

अवध्य प्रकटीकरण.

PC:Facebook, Google images