मैत्री म्हणजे निरभ्र आकाश,
तर कधी मध्यरात्रीचा चंद्र-प्रकाश.
मैत्री म्हणजे खांद्यावर डोकं ठेवून दिलेला हुंदका,
तर कधी दिलेला उभारीचा शब्द.
मैत्री म्हणजे जाणवणारा रितेपणा,
तर कधी दूर जाताना वाटणारी हुरहूर.
मैत्री म्हणजे भर पावसात- वाफाळलेला चहा नि भजी,
तर कधी रिमझिम पावसात- मनसोक्त भटकंती.
मैत्री म्हणजे प्राजक्ताच्या फुलांचा पहाट-सडा,
तर कधी निशिगंधाचा सुगंध वा रातराणीचा बहर.
मैत्री म्हणजे एक आश्वासक नातं आपोआप जुळलेलं,
कळलेलं वाटणारं पण खरं तर न कळलेलं...
No comments:
Post a Comment